Lionel Messi e ka shkruar emrin e tij në histori të Barcelonës. Ylli argjentinas është bërë golashënuesi më i mirë i të gjitha kohëve tek klubi katalunas me 234 gola, duke e kaluar kryesuesin e deritashëm, Cesar Rodriguez, që kishte dy më pak. Trajneri Pep Guardiola mendon se 24 vjeçari është Michael Jordani i futbollit.Me ‘hat-trickun’ e shënuar të martën mbrëma ndaj Granadas, Lionel Messi e ka thyer rekordin e golave në Barcelonë. Sulmuesi argjentinas arriti në kuotën e 234 golave, duke e kaluar rekordin e deritashëm që e mbante legjenda e klubit katalunas, Cesar Rodriguez, i cili realizonte 232 gola, në periudhën 1935-55.Futbollisti më i mirë në botë e regjistroi rekordin në sezonin e tij të tetë me Barçën. Duke e pasur parasysh se ende është vetëm 24 vjeç, nëse vazhdon me ritëm të njëjtë, Messi pritet të shënojë gola të tjerë të shumtë në fanellën e klubit spanjoll, i cili aktualisht është kampion botëror, evropian dhe spanjoll.Messi tashmë ka arritur në kuotën e 54 golave këtë sezon në të gjitha kompeticionet, një shifër kjo që nuk ishte arritur ndonjëherë në Barcelonë. Messi ka realizuar 34 gola në ligë dhe 12 në Ligën e Kampionëve. Ai gjithashtu shënoi edhe në Superkupën e Spanjës (3), Copa del Rey (2), Botërorin e Klubeve (2) dhe në Superkupën e Evropës (1).
Me 34 golat e shënuar në La Liga, Messi e barazoi rekordin e brazilianit Ronaldo, i cili në sezonin 1996-97 shënonte po aq gola, por të cilin e kishte arritur edhe vetë, në sezonin 2009-10. Messi ka shënuar në shtatë ndeshje rresht për Barcelonën dhe tetë në përgjithësi, nëse kihet parasysh edhe ndeshja me Kombëtaren, ndaj Zvicrës.Ky ishte ‘hat-tricku’ i 18-të i Messit me Barcelonën, i 12-ti në La Liga. Ai ka shënuar gjashtë vetëm këtë sezon, duke u bërë kështu së bashku me Cristiano Ronaldon futbollistët që kanë shënuar më së shumti tregolësha në Evropë. Ndërkohë, trajneri i tij, Pep Guardiola, yllin argjentinas e ka krahasuar me basketbollistin legjendar, Michael Jordan."Messi është më i miri dhe këtë e ka vërtetuar çdo tri ditë. Më vjen keq për ata që dëshirojnë të luftojnë me Messin për fron. Është e pamundur, ky djalosh është më i miri. Ai nuk shënon vetëm gola të shumtë, por shënon shumë gola të bukur. Ka pasur vetëm pak lojtarë në histori të sportit si ai, që e kanë dominuar sportin që i përket. Ai është Michael Jordani i futbollit”, deklaroi trajneri spanjoll.
Golashënuesit më të mirë në histori të Barcelonës

1. Lionel Messi 234 gola

2. Cesar Rodriguez 232 (periudha 1939-55)

3. László Kubala 194 (1950-61)
4. Josep Samitier 178 (1919-32) pavlefshme ...